Татарча
Surah Al-Ma'un ( Small Kindnesses ) - Aya count 7
أَرَءَيْتَ ٱلَّذِى يُكَذِّبُ بِٱلدِّينِ ﴿١﴾
Әйә син хисаб вә җәза көнен, кыямәтне ялганга тоткан кешене күрдеңме?
فَذَٰلِكَ ٱلَّذِى يَدُعُّ ٱلْيَتِيمَ ﴿٢﴾
Ул ялганчы ятимне кагар, аңа золым итәр.
وَلَا يَحُضُّ عَلَىٰ طَعَامِ ٱلْمِسْكِينِ ﴿٣﴾
Үзене һәм башкаларны кызыктырмас фәкыйрьләргә аш вә садака бирергә.
فَوَيْلٌۭ لِّلْمُصَلِّينَ ﴿٤﴾
Ни үкенеч вә һәлакәтлек ихлассыз намаз укучыларга.
ٱلَّذِينَ هُمْ عَن صَلَاتِهِمْ سَاهُونَ ﴿٥﴾
Алар намазларыннан гафилләр, вакытында укымаслар һәм намазның рүкеннәрен хөрмәт кылмаслар, намазларының вакытыннан кичегүенә кайгырмаслар.
ٱلَّذِينَ هُمْ يُرَآءُونَ ﴿٦﴾
Әле алар укыган намазларын да рия белән укырлар, ягъни кеше күргәндә укый, кеше күрмәгәндә укымый.
وَيَمْنَعُونَ ٱلْمَاعُونَ ﴿٧﴾
Ул рияче тиешле садакаларны бирмәс һәм тормыш әйберләрен вакытлыча биреп тормас.
