Maguindanaon
Surah Al-Ghashiya ( The Overwhelming ) - Aya count 26
هَلْ أَتَىٰكَ حَدِيثُ ٱلْغَٰشِيَةِ ﴿١﴾
Saben-sabenal ngintu nakawma salaka su tudtulan sa gay a mawli?
وُجُوهٌۭ يَوْمَئِذٍ خَٰشِعَةٌ ﴿٢﴾
Su pamanangan kanu antu ba a gay na agkagilakan.
عَامِلَةٌۭ نَّاصِبَةٌۭ ﴿٣﴾
Su minggalabak sa dunya sa kadupangan na madsamak nin su kasiksan sa gay a mawli.
تَصْلَىٰ نَارًا حَامِيَةًۭ ﴿٤﴾
Paludapan silan kanu apuy sa naraka a pupus i kayaw nin.
تُسْقَىٰ مِنْ عَيْنٍ ءَانِيَةٍۢ ﴿٥﴾
Pabpaginuman kanu ig a midtaman i kayaw nin.
لَّيْسَ لَهُمْ طَعَامٌ إِلَّا مِن ضَرِيعٍۢ ﴿٦﴾
Dala pagkan nilan nya tabya na mga tanakan mana su kayu a zakkum.
لَّا يُسْمِنُ وَلَا يُغْنِى مِن جُوعٍۢ ﴿٧﴾
Dili makawsug andu dili makangguna kanu taw a gagutam.
وُجُوهٌۭ يَوْمَئِذٍۢ نَّاعِمَةٌۭ ﴿٨﴾
Su pamanangan (nu namalityaya) kanu namba a gay na mga galaw sabap kanu mga galabakan nilan sya sa dunya.
لِّسَعْيِهَا رَاضِيَةٌۭ ﴿٩﴾
Na mapya i ginawa nin (sa gay a mawli) sabap kanu pinggalabak nin a mapya sya sa dunya.
فِى جَنَّةٍ عَالِيَةٍۢ ﴿١٠﴾
Sa kanu dalam nu surga a mapulu.
لَّا تَسْمَعُ فِيهَا لَٰغِيَةًۭ ﴿١١﴾
Dala making nengka lu sa surga a mawag a mga bityala.
فِيهَا عَيْنٌۭ جَارِيَةٌۭ ﴿١٢﴾
Aden lun i mga buwalan a bamadtuga.
فِيهَا سُرُرٌۭ مَّرْفُوعَةٌۭ ﴿١٣﴾
Aden lun i bamangigan a mga mapya a luba pagkalban su mga babay a bidadari.
وَأَكْوَابٌۭ مَّوْضُوعَةٌۭ ﴿١٤﴾
Andu mga basu a pinagadil.
وَنَمَارِقُ مَصْفُوفَةٌۭ ﴿١٥﴾
Andu mga ulunan a pinamadsandaya.
وَزَرَابِىُّ مَبْثُوثَةٌ ﴿١٦﴾
Na andu su mga palamadan nin a pinamalat.
أَفَلَا يَنظُرُونَ إِلَى ٱلْإِبِلِ كَيْفَ خُلِقَتْ ﴿١٧﴾
Ngintu dili nilan gadsuliman su unta sa panun i kinabaluy lun?
وَإِلَى ٱلسَّمَآءِ كَيْفَ رُفِعَتْ ﴿١٨﴾
Andu su langit sa panun i kinapulu lun?
وَإِلَى ٱلْجِبَالِ كَيْفَ نُصِبَتْ ﴿١٩﴾
Andu su mga palaw sa panun i kinabuladtek nin andu kinapasak nin?
وَإِلَى ٱلْأَرْضِ كَيْفَ سُطِحَتْ ﴿٢٠﴾
Andu su lupa sa panun i kinabalat nin?
فَذَكِّرْ إِنَّمَآ أَنتَ مُذَكِّرٌۭ ﴿٢١﴾
Patadam ka (Muhammad) andu panginggilak ka silan, ka seka man i mapadtadem-tadem.
لَّسْتَ عَلَيْهِم بِمُصَيْطِرٍ ﴿٢٢﴾
Na dili nengka man silan mamagas.
إِلَّا مَن تَوَلَّىٰ وَكَفَرَ ﴿٢٣﴾
Nya tabya na antayn i dili tumalima (sa indawan) na andu kafeer.
فَيُعَذِّبُهُ ٱللَّهُ ٱلْعَذَابَ ٱلْأَكْبَرَ ﴿٢٤﴾
Na siksan nu Allah sa kasiksan a masla.
إِنَّ إِلَيْنَآ إِيَابَهُمْ ﴿٢٥﴾
Saben-sabenal na sekami i kawliyan nilan kanu ulyan nu kapatay nilan.
ثُمَّ إِنَّ عَلَيْنَا حِسَابَهُم ﴿٢٦﴾
Mawli na sya lekami su kagkwinta sa kanilan.
English
Chinese
Spanish
Portuguese
Russian
Japanese
French
German
Italian
Hindi
Korean
Indonesian
Bengali
Albanian
Bosnian
Dutch
Malayalam
Romanian